To Mom on her b'day....miss you loads.....

Aaj pehli baar...
Hum char...
Mujhe unn char dishayo se lage
Jo judd kar bhi...saath ho kar bhi na mile...
...

Kuch haasil karne ki hasrat iss dil mein liye....
Anjaan iss gum se ki kya sukuunn kho diye.....
Chalte chalte hum durr nikal aaye....
Hasraton ke baadal hum par muskarayen....

Aaj ma ka janamdin hai...
Aur mera pehla vo din hai...
Jab mein unke karib nahi....
Iss khayal ne aaj fir rulaya...
Toh dil ne majboor hoke khud hi samjhaya....

Na ro ke ab toh ye naseeb hai.....
Khuda ka shukr hai ke jin ki chahat hai vo dil ke karib hai....

Garam-Burf si Zindagi…..

Bheege khwaab liye in aankhon mein
Un ujlee raaton ke saiyon mein
Ye shor machati khamoshiyan
Garam-burf si guzurti ye zindigiyan…..
...

Badla-badla sa ye saara aalam hua
Jaana pehchana anjanaa sa maluum hua
Ret sa sarakta…ye waqt yu guzartaa
Koi purana gunah jaise qubool karta…..

Na koi dard hai mere paas
Na koi nai khushi ka aagaaz
Toh phir kyu aaj inn aankhon mein
Hai ye nami ka ehsaas……

Tere paas na hoke tere saath hone ka sukoon
Tabdeel kar detee hai
Iss garam-burf si guzurti zindagi ka rukh…..
Aur ek aawaaz si sunayee deti hai ….ki chalo thoda aur jeete hai….
Iss garam-burf si zindagi ko….chalo thoda aur jeete hai…..